طفل يتمنى الموت لوالده حتى يأكل اللحم
هذه القصة منقولة عن احد العاملين في التبرعات... قصة موجعة ومؤلمة
يقول ..
.... سامحوني اصدقائي يمكن كلمات البوست رح تكون شوي قوية،
بس اكيد لما تسمعوا القصة رح تعذروني ،
صحيح أنه كلنا بنعرف انه في كتير ناس محتاجه بالبلد ،
وصحيح بنعرف انه الظروف كل مالها للاسوأ ،
لكن انه توصل طفل يحكي لامه إيمتى بابا بدو يموت منشان ناكل لحمه متل أولاد عمي !!!!
أتوقع هاي لسه ماصارت .
القصة بالمختصر انه في جهه طلبت مني اسماء كم عيلة محتاجه شرط يكونوا ايتام ..
انا الي كم سنه بتعامل مع ميسورين يقدموا برامج للفقراء والايتام ..
وبقيدونا لما بشترطوا بدهم أرامل وايتام فقط لتوزيع المساعدات .
القصة حقيقية انه بمنطقة جبل المناره في تنين اخوان واحد متوفي وعنده أيتام ..
والتاني (( أخوه )) مريض كلى وحالته بالويل ، وظروفه أصعب من ظروف بيت اخوه المتوفي ،
لكن المساعدات نازله زخ على الأيتام ...
والأطفال اللي ابوهن عايش << ومريض كلى >> وضعه متدهور وفقير جدا ماالهم نصيب ،
ام الولد الصغير اللي ابوه بيغسل كلى بتحكي انو ابنها الصغير حكالها ايمتى بابا بدو يموت ؟؟؟
منشان ناكل لحمه متل اولاد عمي ؟؟؟؟
شوفوا براءة هالطفل ؟!!
.
تخيلوا طفل عم يتمنى الموت لابوه حتى ياكل لحمه ، شو ضل اكتر من هيك ؟
يامتبرعين ، يافاعلين الخير ، لاتشرطوا لمين توزعوا المساعدات ، خليهن يوصلوا للناس اللي فعلا محتاجه و الأجر للحالتين
---------------------------------------------------------------------------------------------------
صدقوني في عائلات عفيفه محتاجه ماحدا بيعرف عنا شي
وخدوها مني انا دارين العبدالله ...<< لقمة في بطن جائع افضل من بناء جامع ودمتم >>
ليست هناك تعليقات