حوار قصير مع طبيبي ..
=========
بيقلي سوريا ادمرت شو بتحبي فيا وبناسا اللي تشردوا ؟
جاوبت وسآلتو : إنت بتحب إمك قالي طبعا قلتو ليش ؟ قلي لانو إمي
قلت : يعني مو لانو أجمل وحدة بالدنيا .. ولا احسن وحدة بالكون .
يعني انت لما بتحب مكان بتشائلو بتحنلو يمكن مايكون افضل مكان ولا أجمل مكان والناس اللي بنحبن ويحبونا مامندور بيحبونا ليش ولا بنكره فين شو لانو بنحبن وبيحبونا لانو المشاعر اللي بينا حقيقية لامصلحة ولاحساب للمادة ..
لارح ناخد مننن شي ولا رح ياخدو منا شي
وانت لو اطلعت بكل الوجوه اللي بتزورك كل يوم رح تفهم اللي انا بدي قولو
وإنت لما ترجع لبلدك مره تانية وتتزكر حارتك الشوارع اللي كنت تلعب فيا ايام الدراسة والتعب وسهر الليالي وتعب امك وابوك بتساهل انك تحب نفسك
وأنا صح تركت سوريا مجبره بس حبا جواتي بالفطرة وبدي تم ناضل كرمال حريتا وكرامتا مافي إنسى القلوب الطيبة والوجوه الشاحبة اللي شردا الظلم مابنسى شوراعا المعتئة بالياسمين
وشايف كل الهاون والطيران اللي إنضرب وهد حيطان بيوتنا ماقدر يهد حيطان محبتي لناسي وأهلي ولاحيطان محبتنا وإخلاصنا للوطن ..
أحيانا منعلق بالوجع عن طريق الظلم ومامنتعافى إلاعن طريق الحرية والحرية أحيانا بتجي متل رقصة الموت بس منبقى عم نختار موتنا
وبصير هالخيار هو معركتنا الوحيدة يلي قدرنا نربح فيا لحتى مانبقى مهزومين.
سكت .. وصفن لوهلة وبكي
سآلتو ليش بكيت ؟
قال لي : اجمل أنواع الحديث ذلك الذي يصمت أمامه العقل
 |
ليست هناك تعليقات